سندھ کے ضلع تھرپارکر کی تحصیل چھاچھڑو میں طبی عملے نے حاملہ خاتون کے بچے کا سرکاٹ دیا۔

آج نیوز کے مطابق رورل ہیلتھ سینٹر چھاچھڑو میں کوئی گائناکالوجسٹ نہیں تھا۔ نتیجتاً وہاں موجود ناتجربہ کار عملے نے نوزائیدہ بچے کا سرکاٹ دیا اور دھڑ پیٹ میں چھوڑ دیا۔

خاتون کو ہنگامی حالت میں چھاچھڑو سے سوشل اسپتال مٹھی پھیجا گیا جہاں بھی کئی سہولت موجود نہیں تھی۔

محکمہ صحت سندھ کے حکام کا کہنا ہے کہ مٹھی سے خاتون کو سول اسپتال حیدرآباد لایا گیا جہاں خاتون کے پیٹ سے باقی ماندہ دھڑ نکالا گیا۔

ڈائریکٹر جنرل ہیلتھ سندھ ڈاکٹر جمن کا کہنا ہے کہ واقعے کی تحقیقات کا حکم دے دیا گیا ہے۔

انہوں نے مزید کہا کہ سفاکی میں ملوث افراد کے خلاف سخت کارروائی کی جائے گی۔

ڈسٹرکٹ ہیلتھ آفیسر تھرپارکر کا کہنا تھا کہ یہ واقعہ پرائیویٹ اسپتال میں پیش آیا ہے۔