راولپنڈی :اپنی زندگی کو خطرے میں ڈالتے ہوئے لوگوں کی زندگیاں بچانے والے کوئٹہ کے ڈرائیور فیصل بلوچ کو پاک فوج نے خراج تحسین پیش کیا ، آرمی چیف جنرل قمر جاوید باجوہ کی ہدایت پر قومی ہیرو کو نقد انعام سے نوازا گیا۔

کوئٹہ میں 7 جون کو ڈرائیور فیصل بلوچ نے اپنی زندگی کو خطرے میں ڈالتے ہوئے بہت سی زندگیاں بچالیں تھی، ڈرائیور فیصل نے جلتے ہوئے آئل ٹینکر کو آبادی کے علاقے سے 3 کلو میٹر دور پہنچایا تھا۔

آئی ایس پی آر کے مطابق ڈرائیور فیصل بلوچ کو اس بہادری کے اعتراف میں کور ہیڈکوارٹرز کوئٹہ مدعو کیا گیا۔

آرمی چیف جنرل قمر جاوید باجوہ کی خصوصی ہدایت پر ڈرائیور فیصل بلوچ کو نقد انعام سے نوازا گیا۔