پاک فوج کے شعبہ تعلقات عامہ (آئی ایس پی آر) کا کہنا ہے کہ شوکت ترین کے حوالے سے سوشل میڈیا پر لگائے گئے الزامات نے بنیاد ہیں جن کی تردید شوکت ترین نے خود کی ہے۔

ایک بیان میں آئی ایس پی آر نے کہا کہ شاہین صہبائی اور دیگر سوشل میڈیا پر پروپیگنڈا کر رہے ہیں، سابق وزیرخزانہ کے حوالے سے انکے الزامات بے بنیاد ہیں، شوکت ترین نے خود بھی ان الزمات کی تردید کی ہے۔

ترجمان پاک فوج نے کہا کہ ذاتی مفاد کیلئے ادارے اور اسکے سربراہ پر الزامات اور جھوٹ قابل مذمت ہے، ادارہ ان افراد کے خلاف قانونی چارہ جوئی کا حق رکھتا ہے۔

دوسری جانب سابق وزیر خزانہ شوکت ترین نے اس حوالے سے ایک ٹوئٹ میں کہا کہ اسٹیبلشمنٹ میں سے کسی نے بھی مجھے عمران خان کو چھوڑ کر حکومت میں شمولیت اختیار کرنے نہیں کہا، اس لئے میں واضح طور پر اس بات کی تردید کرتا ہوں جو مجھ سے منسوب کی گئی۔