سابق وزیراعظم اور چیئرمین پاکستان تحریک انصاف (پی ٹی آئی) عمران خان نے حکومت سے بھارتی مصنوعات کو بائیکاٹ کرنےکا مطالبہ کردیا ہے۔

اسلام آباد میں وکلا کنونشن سے خطاب کرتے ہوئے عمران خان کا کہنا تھا کہ ہندوستان میں گستاخی رسول کی گئی، ساری قوم حکومت کی طرف دیکھ رہی ہے، شریف خاندان مودی سے اپنے تعلقات توڑے اور بھارتی مصنوعات کا بائیکاٹ کریں۔

انہوں نے مزید کہا کہ باہر سے سازش کر کے حکومت گرائی گئی، اصل توہین بڑے بڑے ڈاکوؤں کو ملک پر مسلط کرنا ہے، چور جب سے آئے ہیں، پاکستان کی تاریخ میں ایسی مہنگائی نہیں دیکھی۔

پی ٹی آئی چیئرمین نے کہا کہ ہماری پانی روکنے کے لئے ڈیم بنارہی تھی، ملک میں 50 سال بعد ڈیم بن رہے تھے، ملک کا مستقبل خطرے میں ہے، قومی سلامتی کے لئے یہ سب سے بڑا خطرہ ہے۔

عمران خان کا کہنا تھا کہ عالمی مالیاتی فنڈ (آئی ایم ایف) نے ہمیں قیمتیں بڑھانے کیلئے کہا، ہم ان کے سامنے کھڑے ہوئے لیکن ہم نے قیمتیں نہیں بڑھانے سے انکار کردیا۔

ان کا کہنا تھا کہ سب نے تیار رہنا ہے چاہیے حکومت ہمیں جیلوں میں ڈال دے، یہ تحریک ختم نہیں ہوگی۔