بالی ووڈ سُپراسٹارسلمان خان اور ان کے والد کو دھمکی آمیز خط موصول ہونے کے بعد مہاراشٹر کے محکمہ داخلہ نے اداکار کی سیکیورٹی مزید سخت کردی ہے۔

بھارتی میڈیا کے مطابق سلمان خان اور ان کے والد سلیم خان کو اتوار کے روز باندرہ بینڈ اسٹینڈ کے قریب سے ملنے والے گمنام دھمکی آمیز خط کے بعد باندرہ پولیس نے نامعلوم افراد کے خلاف مقدمہ درج کر لیا ہے۔

تاہم تازہ ترین اپ ڈیٹ کے مطابق بھارتی ریاست مہاراشٹر کے محکمہ داخلہ نے ‘دبنگ’ اسٹار اور ان کے والد کی سیکیورٹی کو سخت کردیا ہے۔

سلمان خان کے والد کو دھمکی آمیز خط کہاں سے ملا تھاَ؟

پولیس نے کہا کہ خط سلیم خان کے سیکیورٹی اسٹاف کو ایک بینچ سے ملا ہے تھا جبکہ خط میں میں سلمان اور سلیم خان دونوں کے لیے سنگین دھمکیاں تھیں۔

بعد ازاں پولیس نے بینڈ اسٹینڈ کے علاقے میں سی سی ٹی وی فوٹیج بھی چیک کی اور مقامی لوگوں سے پوچھ گچھ شروع کردی۔

تاہم یہ معلوم کیا جا سکے کہ دھمکی آمیز خط کس نے چھوڑا تھا۔