صدر پاکستان پیپلز پارٹی پارلیمنٹرینز آصف علی زرداری سے ملاقات کے بعد مسلم لیگ (ق) کے دو رہنما پی پی میں شامل ہوگئے۔

بلاول ہاؤس کراچی میں آصف زرداری سے ق لیگ کے رہنما سینیٹر سعید الحسن مندوخیل اور اکبر خان مندوخیل کی ملاقات ہوئی جس میں وزیراعلیٰ سندھ سید مراد علی شاہ بھی شریک تھے۔

سیاسی رہنماؤں کی ملاقات کے بعد سینیٹر سعید الحسن اور اکبر خان نے پیپلز پارٹی میں باضابطہ طور پر شمولیت اختیار کرلی ہے۔

اس کے علاوہ سابق صدر سے علیحدہ نشست کے بعد بلوچستان کی سیاسی شخصیات بشمول سردار نور بنگلزئی، سردار رب نواز کرد، نوابزادہ شاہزین خان شاہوانی و دیگر بھی پی پی میں شامل ہوگئے ہیں۔