لاہور: پاکستان تحریک انصاف (پی ٹی آئی) وزیراعلیٰ پنجاب حمزہ شہباز کا الیکشن کالعدم قرار دینے کے لئے ہائیکورٹ میں درخواست دائر کردی ہے۔

پی ٹی آئی کے سبطین خان سمیت 5 اراکین کی جانب سے درخواست جمع کرائی گئی ہے جس کے متن میں کہا گیا ہے کہ پی ٹی آٸی اور ق لیگ کے اراکین کو اسمبلی سے نکالا گیا اور حمزہ شہباز کی ایما پر پولیس نے ووٹرز کو زبردستی روکا۔

درخواست کے متن میں لکھا گیا کہ ایوان میں پراٸیویٹ شخص کے آنے پر پابندی ہے جس کے تحت سیکریٹری اسمبلی نے انہیں داخلے سے روکا تھا لیکن ڈپٹی سیکریٹری نے 300 لوگوں کو اسمبلی میں بلایا اس لئے حمزہ شہباز کا الیکشن غیر قانونی ہے جسے کالعدم قرار دیا جاٸے۔