اسلام آباد: وزیراعظم شہباز شریف نے کہا ہے کہ جب تک وزارتیں انہیں غریب آدمی کو مہنگائی سے بچانے کیلئے کوئی فول پروف طریقہ نہیں دیں گی، وہ پیٹرول کی قیمتوں میں ایک پیسے کا اضافہ نہیں کریں گے۔

وفاقی وزیر پیٹرولیم مصدق ملک نے بدھ کے روز آج نیوز کے پروگرام “فیصلہ آپ کا” میں بطور مہمان شرکت کی ۔

عاصمہ شیرازی نے وفاقی وزیر سے سوال کیا کہ یہ ایک عوامی فیصلہ تھا،آپ کے خیال میں یہ حکومت کیسے چل رہی ہے؟جس پر مصدق ملک نے جواب دیا کہ یہ ایک معاشی فیصلہ ہے۔

مصدق ملک نے مزید کہا کہ عمران خان نے 800 ارب روپے کا ٹائم بم نصب کیا، پاکستان کے وزیراعظم کی حیثیت سے انہیں اس بارے میں سوچنا چاہیئے تھا،“ہمارا فرض ہے کہ ہم غریبوں کی حفاظت کو یقینی بنائیں”۔

وزیر پیٹرولیم نے کہا کہ غریب کی تعریف وہ ہے جو ماہانہ 30,000 روپے سے کم کماتا ہے۔

انہوں نے مزید کہا کہ “ہمیں منصوبہ بندی کرنے کا حکم دیا گیا ہے اور ظاہر ہے کہ ہم اس شخص کی حفاظت کیسے کریں گے۔”

مکمل پروگرام دیکھیں : https://youtu.be/dwPVK9jMtPQ