کراچی: ملکی تاریخ میں پہلی بار ڈالر کی ڈبل سنچری مکمل ہوگئی۔

ڈالر کی قیمت ملکی تاریخ کی ریکارڈ سطح پر پہنچ گئی، انٹربینک میں ڈالر 3روپے 76پیسے مہنگا ہوگیا۔

جس کے بعد انٹربینک میں پہلی بار ڈالر کی ٹریڈنگ 199 روپے 50 پیسے میں کی جارہی ہے۔

ادھر اوپن مارکیٹ میں بھی امریکی کرنسی کی قیمت فروخت 201 روپے ہوگئی، تاہم دونوں مارکیٹس میں ریکارڈ بنانے کے بعد روپے کی ریکوری جاری ہے۔

واضح رہے کہ گزشتہ روز انٹربینک میں ڈالر کی قیمت 195.74 ریکارڈ کی گئی تھی۔