لاہورسمیت پنجاب کے مختلف شہروں میں آٹا مہنگا ہونے کے باوجود عام مارکیٹ سےغائب ہوگیا۔

آج نیوز کے مطابق پنجاب میں 20 کلو آٹے کا تھیلہ 200 روپے اضافے سے 13 سوروپے کا ہوگیا، تاہم مارکیٹ تک سپلائی نہ پہنچے کے باعث شہریوں کو مہنگا آٹا بھی دستیاب نہیں ہے۔

دریں اثنا مارکیٹ میں آٹے کی کمی کو بھاپتے ہوئے وزیراعظم شہباز شریف نے بھی 3 ملین ٹن گندم درآمد کرنے کا اعلان کردیا۔

ان کا کہناتھا کہ دکھ اورشرم کی بات ہے کہ ہمیں گندم امپورٹ کرنی پڑ رہی ہے، پنجاب میں گندم کا ٹارگٹ مزید بڑھا دیا ہے۔

دوسری طرف سیالکوٹ انتظامیہ نے کارروائی کرتے ہوئےذخیرہ کی گئیں 19 ہزار گندم کی بوریاں بھی اپنے قبضے میں لے لی گئی۔

تاہم آٹے کی قیمتوں میں اضافے پرفلورملزایسوسی ایشن کا کہنا ہے سرکاری گندم کا کوٹہ بند ہونےکے باعث قیمت میں اضافہ کرنا مجبوری ہے۔

انہوں نے مزید کہا کہ حکومت فوری طورپرسبسٹائز گندم فراہم کرے تاکہ آٹے کی قیمت میں کمی کی جاسکے۔