وزیر اعظم شہباز شریف نے آرمی چیف کو ٹیلی فون کیا اور انہیں عید الفطر کی مبارکباد دی۔

وزیراعظم نے چیئرمین جوائنٹ چیفس آف اسٹاف کمیٹی جنرل ندیم رضا کو بھی ٹیلی فون کیا اور انہیں عید کی مبارکباد دی۔

تفصیلات کے مطابق وزیراعظم شہباز شریف نے چیف آف آرمی سٹاف جنرل قمر جاوید باجوہ، نیول چیف ایڈمرل محمد امجد خان نیازی، چیف آف ائیر سٹاف ائیر چیف مارشل ظہیر احمد بابر سدھو کو بھی فون کیا اور ان سے عید کی مبارکباد دی۔

انہوں نے سندھ، خیبرپختونخوا اور گلگت بلتستان کے وزرائے اعلیٰ اور بلوچستان کے قائم مقام گورنر سے بھی بات کی۔

قبل ازیں وزیراعظم نے بھارتی مقبوضہ جموں و کشمیر میں نماز عید کے اجتماعات پر پابندی کی مذمت کی۔

آزاد جموں و کشمیر کے وزیر اعظم سردار تنویر الیاس کے ساتھ فون پر گفتگو میں وزیر اعظم شہباز نے کشمیریوں کو حق خودارادیت ملنے تک ان کی اخلاقی، سیاسی اور سفارتی حمایت جاری رکھنے کے پاکستان کے عزم کا اعادہ کیا۔