ملتان: پاکستان تحریک انصاف (پی ٹی آئی ) نے وزیراعظم شہباز شریف کیخلاف عدالت جانے کا اعلان کردیا۔

تحریک انصاف کے رہنماء اور سابق وزیرخارجہ شاہ محمود قریشی نے ملتان میں کارکنوں سے خطاب کرتے ہوئے کہا کہ عمران خان کو نااہل کرنے اور تحریک انصاف پر پابندی لگانے کی سازش کی جارہی ہے، نیب زدہ شخص ملک کیلےا نقصان دہ ہے، شہباز شریف کیخلاف عدالت جائیں گے۔

شاہ محمود قریشی نے کہا کہ مقدے سے بری ہونے تک (ن)لیگ کسی اور کو نامزد کرے ، بے نظیر کا بیٹا بلاول بھٹو نواز شریف سے 10سیٹیوں کی بھیک مانگنے لندن گیا، سازش کی پیداوار کو عوام نے مسترد کردیا۔

پی ٹی آئی رہنماء کا کہنا تھا کہ پاکستان کےلوگوں نےامپورٹڈ حکومت کو مسترد کردیا،ایک دوسرے کو کوستے رہے،پھر ساتھ بیٹھ گئے،انتخابات میں ان کو شکست ہوگی، 29مئی کو ملتان میں پی ٹی آئی کا جلسہ ہوگا، ملتان کےشہری تاریخی استقبال کی تیاری کریں۔

شاہ محمود قریشی نے مزید کہا کہ کابینہ میں آدھے سے زیادہ لوگ ضمانت پر ہیں، پیپلزپارٹی اور ایم کیوایم میں کبھی قربت تھی؟ راتوں رات نہ جانے کیا ہوا؟ حکومت نے پہلا کام عوام کی بھلائی کا نہیں کیا بلکہ اپنے لوگوں کے نام ای سی ایل سے نکالے۔