لاہور: وزیراعظم شہبازشریف نے بجلی کی لوڈشیڈنگ میں اضافے پر اظہار برہمی کردیا، مئی تک لوڈشیڈنگ میں نمایاں کمی کرنے کا حکم دے دیا۔

لاہور میں جوہر ٹاوّن میں بچت بازار کے دورے کے موقعے پر وزیراعظم نے کہا کہ لوڈشیڈنگ سےنجات تک نہ خود چین سے بیٹھوں گا نا ہی کسی کو بیٹھنے دونگا۔

وزیراعظم شہباز شریف نے کہا کہ سابق حکومت کی غفلت سے شہری مشکلات میں ہیں، شہریوں کی تکلیف کم کرنےکیلئےہرممکن کوشش کریں۔

انہوں نے کہا کہ تیل وگیس کا بندوبست ہونے تک عبوری اقدامات کوبہتربنایاجائے، نوازشریف کے دور میں ملک میں اضافہ بجلی فراہم کی جا رہی تھی پر عمران خان حکومت نےایک بھی نیایونٹ شامل نہیں کیا۔

انہوں نے مزید کہا کہ سابق حکومت نے بروقت ایندھن خریدا نا ہی کارخانوں کی مرمت کرائی، عمران حکومت نےسستی اور تیزترین بجلی پیدا کرنےوالےپلانٹ بند کیے، مہنگی اورکم بجلی بنانےوالےکارخانےاستعمال کیےگئے۔

ان کا کہنا تھا کہ توانائی کےشعبےکی تباہی کرکےپاکستان میں معیشت دیوالیہ کرنےکی سازش کی گئی۔