اسلام آباد: وزیراعظم شہباز شریف نے کہا کہ میں خادم پاکستان ہوں اور عوام پرائم منسٹر ہے۔

دارالحکومت میں افطار ڈنر سے خطاب کرتے ہوئے وزیراعظم شہباز شریف کا کہنا تھا کہ عوام کی فلاح کے تمام اقدامات اٹھائیں گے، پی ایم ہاؤس پاکستان ہاؤس ہوگا جہاں چاروں صوبوں کے کام ہوں گے، میں خادم پاکستان اور آپ پرائم منسٹر ہیں۔

شہباز شریف نے کہا کہ پیٹرول کی قیمت میں 21 اور 50 روپے بڑھاتے تو لوگ بدعائیں دیتے، پچھلی حکومت نے چکر چلایا کہ ہمیں لپیٹیں کیونکہ انہیں معلوم تھا کہ انکی حکومت جانے والی ہے، وہ ہر جمہوریت کی بساط لپیٹنے کے لیے ہر حد پار کرنے کیلئے تیار ہےِ لیکن ہم نے قیمتوں میں اضافے کی سمری مسترد کردی ہے۔

اس سے قبل وزیراعظم شہباز شریف کا کہنا تھا کہ آئی ایم ایف کی شرائط سخت ہیں لیکن پھر بھی جانا ان کے پاس پڑےگا، ملک میں بجلی کے 26 کارخانے بدانتظامی اور خام تیل نہ ہونے کے باعث بند ہیں۔

ان کا کہنا تھا کہ نیشنل سیکورٹی کونسل کا اجلاس بلائیں گے، سابق سفیر، سیکرٹری خارجہ اور سیاسی قیادت کو مدعو کریں گے جس میں مبینہ خط سب کےسامنے رکھا جائے گا۔

وزیراعظم نے کہا کہ جلسےجلوس کرنا عمران خان کا حق ہے، انتقامی کارروائی نہیں ہوگی، قانون اپنا راستہ لےگا، ہمارا بیانیہ صرف کام ہے اور کام کرتے رہیں گے، استعفے دینا پی ٹی آئی کا حق ہے، ایوان کام کرتارہےگا، کسی کو انتشار اوربدامنی کی طرف نہیں جانا چاہیے۔