ہری پور: پاکستان میں سیاسی صورتحال پر بحث و تکرار کے دوران ملزم نے اپنے نوجوان دوست کو قتل کردیا۔

پولیس کے مطابق خیبر پختونخوا کے شہر ہری پور میں سیاسی بحث و تکرار کے دوران ایک نوجوان قتل کردیا، سیاسی بحث پر ملزم عتیق نے دوست کو سر پر راڈ مار کر قتل کیا۔

پولیس کا بتانا ہے کہ ملزم عتیق کو گرفتار کرلیا گیا ہے جبکہ ملزم نے بیان دیا کہ دوست نے میرے لیڈر کے بارے میں غلط بات کی تھی اس لیے اسے قتل کیا۔