پاکستان تحریک انصاف کے ناراض رہنما جہانگیر ترین 16 اپریل کو لاہور پہنچیں گے، جہانگیر ترین کے ذاتی معالجین نے انہیں سفر کی اجازت دے دی۔

اس حوالے سے ترین گروپ کے رہنما عون چوہدری کا کہنا ہے کہ جہانگیر ترین نے 15 اپریل کی لندن سے لاہور کی ٹکٹ بک کروا لی ہے، گروپ کے تمام ارکان جہانگیر ترین کا ائیرپورٹ پراستقبال کریں گے۔

ذرائع کے مطابق جہانگیر ترین لاہور پہنچے کے بعد علیم خان، چوہدری سرور، اسد کھوکھر اور دیگر رہنماوں سے ملاقات کریں گے، ملاقاتوں کے بعد جہانگیر ترین آئندہ کیلئے مشترکہ لائحہ عمل بھی دے سکتے ہیں۔

جہانگیر ترین کی مسلم لیگ نواز کے رہنما شہبازشریف اور حمزہ شہباز سے بھی ملاقات متوقع ہے۔