پاکستان نے زمین سے زمین تک مار کرنیوالے شاہین تھری میزائل کا کامیاب تجربہ کرلیا۔

اس حوالے سے ڈی جی آئی ایس پی آر نے کہا کہ اس کامیاب تجربے کا مقصد ڈیزائن اور تکنیکی پیرامیٹرز میں کی گئی تبدیلیوں کا جائزہ لینا تھا۔

ڈی جی آئی ایس پی آر میجر جنرل بابر افتخار کے مطابق زمین سے زمین تک مار کرنے والے بیلسٹک میزائل شاہین تھری کی آزمائشی پرواز کا مقصد ویپن سسٹم کے مختلف ڈیزائن اور تکنیکی پیرامیٹرز کا جائزہ لینا تھا۔

واضح رہے کہ شاہین تھری میزائل سالڈ راکٹ فیول سسٹم کا حامل ہے اور 2750 کلومیٹر تک اپنے ہدف کو کامیابی سے نشانہ بنا سکتا ہے، میزائل روایتی اور جوہری ہتھیار لے جانے کی صلاحیت رکھتا ہے۔