اسلام آباد: وفاقی حکومت نے عمر سرفراز چیمہ کو نیا گورنر پنجاب مقرر کردیا ۔

سماجی رابطے کی ویب سائٹ ٹوئٹر پر وفاقی وزیراطلاعات ونشریات فواد چوہدری نے نئے گورنر پنجاب کی تقرری کی اطلاع دیتے ہوئے اپنے ٹویٹ میں لکھا کہ عمر سرفراز چیمہ کو نیا گورنر پنجاب مقرر کر دیا گیا ہے۔

عمر سرفراز چیمہ کو نیا گورنر پنجاب مقرر کر دیا گیا ہے

— Ch Fawad Hussain (@fawadchaudhry) April 3, 2022

یاد رہے کہ اس سے قبل وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا تھا،جس کی اطلاع وفاقی وزیر اطلاعات فواد چوہدری نے اپنے ٹوئٹر اکاؤنٹ پر دی تھی۔

فواد چوہدری نے بتایا تھا کہ گورنر پنجاب چوہدری محمد سرور کو ان کے عہدے سے برطرف کر دیا گیا ہے، نئے گورنر پنجاب کا اعلان بعد میں کیا جائے گا تاہم آئین کے مطابق ڈپٹی اسپیکر قائم مقام گورنر ہوں گے۔