بھارتی اداکارہ سونم کپور حاملہ ہیں اور ان کے ہاں پہلے بچے کی پیدائش متوقع ہے۔

فوٹو شیئرنگ ایپلیکیشن انسٹاگرام پر اداکارہ نے اپنے شوہر کے ہمراہ ایک تصویر شائع کی جس میں انہوں نے اپنے مداحوں کو بچے کی پیدائش سے متعلق خوشخبری سے آگاہ کیا ہے۔

سونم کپور کے اس پوسٹ پر صارفین سمیت کئی نامور بھارتی اداکاروں بشمول کرینہ کپور، رنویر سنگھ، دیا مرزا، مادھوری ڈکشٹ اور جیکلین فرنانڈیز کی جانب سے بھی نیک تمناوں اور خوشی کا اظہار کیا گیا ہے۔

اداکارہ کی اس پوسٹ پر اب تک 7 لاکھ سے زائد لائکس اور 5 ہزار کمنٹس موصول ہوچکے ہیں۔

خیال رہے کہ سونم کپور اور ان کے شوہر آنند آہوجا 2018 میں رشتہ ازدویاج میں منسلک ہوئے تھے تاہم اداکارہ کو آخری بار 2019 میں ایک بھارتی فلم میں اداکاری کرتے دیکھا گیا تھا۔