اسلام آباد: حکومت نے مسلم لیگ (ق)کو پنجاب کی وزارت اعلیٰ دینے سے انکار کردیا۔

ذرائع کا کہنا ہے کہ وفاقی حکومت نے پاکستان مسلم لیگ (ق) کوپنجاب کی وزارت اعلیٰ دینے سےانکار کردیا اور اس حوالے سے وزیردفاع پرویز خٹک نے (ق)لیگ کے رہنماء مونس الٰہی کو آگاہ بھی کر دیا۔

پرویزخٹک نے کہاکہ قومی اسمبلی کی 5 سیٹوں پر وزیر اعلیٰ بنانے کا مطالبہ بلیک میلنگ ہے، چوہدری پرویز الٰہی کو پنجاب کا وزیر اعلیٰ نہیں بنا سکتے، اگرانہیں مسلم لیگ (ن)وزیر اعلیٰ بناتی ہے تو بن جائیں۔

وزیر دفاع پرویز خٹک نے مزید کہا کہ اتحاد متوازن سیاسی اصولوں پرہی ممکن ہے،ہرمشکل میں آنکھیں دیکھانا مناسب رویہ نہیں۔

ذرائع کے مطابق پی ٹی آئی نے (ق) لیگ کے رہنما ءطارق بشیر چیمہ کے بیانات کو بھی توہین آمیز قرار دے دیااور کہا کہ طارق بشیر کی جگہ کوئی اور ہوتا تو کابینہ سے استعفیٰ دے دیتا۔

وزیردفاع پرویزخٹک کےبیان پرمونس الٰہی کا ردعمل سامنے آگیا

دوسری جانب وزیردفاع پرویزخٹک کےبیان پرمسلم لیگ (ق) کے رہنماء مونس الٰہی کا ردعمل سامنے آگیا۔

پرویز خٹک صاحب سے رابطہ رہتا ہے اور
ہر دوسرے دن بات ہوتی ہے.
اس بیان کی وضاحت پرویز خٹک صاحب @PervezKhattakPK خود کردیں۔ pic.twitter.com/w9XudFRcmm

— Moonis Elahi (@MoonisElahi6) March 16, 2022

وفاقی وزیر مونس الٰہی نے سماجی رابطے کی ویب سائٹ ٹوئٹر پر اپنے ٹوئٹ میں کہا کہ پرویزخٹک سے رابطہ رہتا ہے ہر دوسرے دن بات بھی ہوتی ہے ،وزارت اعلیٰ نہ دینے کےبیان کی وضاحت پرویزخٹک خود کریں۔

وزیردفاع پرویز خٹک نے مسلم لیگ (ق)سے متعلق خبر کی تردید کر دی

ادھر اپنے بیان کے کچھ ہی دیر بعد وزیردفاع پرویز خٹک نے مسلم لیگ (ق)سے متعلق خبر کی تردید کر دی ۔

اپنے وضاحتی بیان میں پرویز خٹک کہا کہ ایسا کوئی بیان میڈیا پرجاری نہیں کیا ،میڈیا پر چلنے والی خبرمن گھڑت اوربے بنیاد ہے ،مسلم لیگ (ق)اتحادی ہے اور رہے گی۔

I have not issued any statement on media against PMLQ or Pervaiz Elahi. I'm in contact with all our allies on a daily basis.

— Pervez Khattak (@PervezKhattakPK) March 16, 2022

وزیردفاع نے مزید کہا کہ ہرمشکل وقت میں وزیراعظم عمران خان کا ساتھ دیا اب بھی چوہدری برادران ساتھ کھڑے ہیں اورکھڑے رہیں گے۔

وزیر دفاع پرویزخٹک کے ٹوئٹ پر(ق)لیگ کے رہنماءمونس الہی نے بھی شکریہ کا ٹوئٹ داغ دیا ۔

Thank you! https://t.co/CxQfsXvswA

— Moonis Elahi (@MoonisElahi6) March 16, 2022