مدینہ: مسجد نبوی ﷺ میں 12سال سے کم عمر بچوں کے داخلے پر عارضی طور پر پابندی عائد کردی گئی ہے۔

مسجد نبوی ﷺ کے امورکے نگران محکمے کی جانب سے جاری بیان کے مطابق مسجد نبوی ﷺ اوراس کے احاطے میں 12 سال سے کم عمر کے بچوں کو داخلے کی اجازت کی نہیں ہوگی۔

محکمے کی جانب سے 12 سال سے کم عمر بچوں پر حالیہ عارضی پابندی کی کوئی وجہ نہیں بتائی گئی تاہم کئی بار سوشل میڈیا پرگردش کرنے والی ویڈیوز میں بچوں کومسجد نبوی ﷺ میں کھیلتے ہوئے دیکھا گیا تھا۔

اس ضمن میں سوشل میڈیا صارفین نے مسجد نبوی ﷺ کا تقدس برقرار نہ رکھنے پر والدین کو شدید تنقید کی زد میں لیا تھا۔