****کراچی: سینئر صحافی اطہر متین قتل میں ملوث ملزم اشرف کو ریمانڈ کی مدت مکمل ہونے پر عدالت میں پیش کردیا گیا۔****

تفصیلات کے مطابق تفتیشی افسر نے عدالت میں ملزم کے اقبالی بیان قلبند کرنے کیلئے جسمانی ریمانڈ میں توسیع کی درخواست کی ہے۔

پولیس کے مطابق ملزم اشرف کے خلاف غیر قانونی اسلحہ رکھنے پر نیا مقدمہ درج کرلیا گیا ہے جس کے تحت عدالت نے دونوں مقدمات میں 15 مارچ تک ملزم کے جسمانی ریماندڈ کی منظوری دے دی ہے۔

عدالت کی جانب سے 16 مارچ کو ملزم کو کورٹ میں پیش کرنے اور پولیس کو آئندہ سماعت پر پیش رفت رپورٹ بھی پیش کرنے کا حکم دیا گیا ہے۔