وزیراعظم عمران خان کے معاون خصوصی برائے قدرتی وسائل بلوچستان یار محمد رند نے اپنے عہدے سے استعفیٰ دے دیا ہے۔

یار محمد رند نے استعفی کے متعلق گفتگو کرتے ہوئے کہا کہ دو روزقبل اپنا استعفیٰ وزیر اعظم کو بھجوا دیا تھا جوکہ ان کا حتمی فیصلہ ہے۔

انہوں انکشاف کیا کہ وہ صرف نوٹیفکیشن کی حد تک معاون خصوصی تھے، انہیں کوئی اختیار حاصل تھا اور نہ انہیں بلوچستان پر کسی بھی اجلاس میں شمولیت کی دعوت دی جاتی تھی۔

یار محمد کا کہنا تھا کہ انہیں وفاقی وزراء کی جانب سے بھی کبھی بلوچستان سے متعلق ہونے والے کسی اجلاس کے لیے رابطہ نہیں کیا گیا۔

واضح رہے کہ 23 مارچ 2019 کو وزیراعظم عمران خان نے سردار یار محمد رند کو اپنا معاون خصوصی تعینات کیا تھا۔