بھارتی اداکارہ اور بی جے پی رہنما ہیما مالنی نے کہا ہے کہ ہر کوئی یوکرین روس جنگ کو روکنے کیلئے وزیراعظم نریندر مودی کی مدد چاہ رہا ہے۔

ہیما مالنی نے کہا کہ نریندر مودی کی دنیا عزت کرتی ہے اور انہوں نے اپنا نام روشن کیا ہے۔

انہوں نے کہا کہ ہمارے مودی جی ایک بڑے عالمی رہنما مانے جاتے ہیں، یہ ہمارے لئے فخر کی بات ہے۔

ہیما مالنی کے اس بیان پر ٹوئٹر صارفین نے مزاحیہ ردعمل دینے کہ ساتھ تنقید بھی کی ہے۔

ایک صارف نے ردعمل دیتے ہوئے کہا کہ خوشامد کرنے کی کوئی حد ہوتی ہے۔

ایک اور صارف نے لکھا کہ مطلب کچھ بھی کہتے رہتے ہیں۔

ایک صارف نے کہا کہ ڈریم گرل اب ڈریم ورلڈ میں ہے۔