لاہور:پنجاب کے میدانی علاقوں میں دھند کی شدت برقرار ہے، شدید دھند کے باعث حد نگا ہ صفر ہونے کے بعد موٹرویز کومختلف مقامات پر ٹریفک کیلئے بند کردیا گیا۔

ترجمان موٹروے پولیس کے مطابق شدید دھند کے باعث موٹروے ایم 2 کو ٹھوکر نیاز بیگ سے شیخوپور تک بند کردیا گیا۔

اس کے علاوہ موٹروے ایم 3 لاہور سے سمندری اور ایم 11سیالکوٹ تک دھند کے باعث بند کردی گئی ۔

ترجمان موٹروے پولیس کے مطابق موٹروے کو عوام کی حفاظت کو مدنظر رکھتے ہوئے بند کیا گیا ہے، شہری موٹروے پر سفر سے قبل ہماری ہیلپ لائن 130 پر رابطہ کرسکتے ہیں۔