اسلام آباد: چیف جسٹس آف پاکستان گلزار احمد نے سپریم کورٹ کراچی رجسٹری میں پیر سے شروع ہونے والے اگلے ہفتے کے دوران متعدد اہم مقدمات کی سماعت کیلئے بینچ تشکیل دے دیا ہے۔

ایکسپریس ٹریبیون کی رپوٹ کے مطابق جسٹس سجاد علی شاہ اور جسٹس محمد علی مظہر پر مشتمل 2 رکنی بینچ سپریم کورٹ رجسٹری کراچی میں مقدمات کی سماعت کرے گا۔

اس کے علاوہ یہ بینچ سرکاری ملازمین کے سروس اور پنشن کے معاملات، تعلیمی اداروں کے معاملات اور لیبر کے معاملات سمیت کئی اہم مقدمات کی سماعت کریں گے۔

بینچ سزائے موت اور عمر قید کیخلاف اپیلوں، قتل اور بدعنوانی کے ملزمان کی بریت کیخلاف اپیلوں کی سماعت کرے گا جبکہ نیب کیسز میں ضمانت کی اپیلوں اور مختلف سیاستدانوں کی انتخابی درخواستوں کی سماعت بھی ہوگی۔