اسلام آباد: سینیٹ کی قائمہ کمیٹی خزانہ کے اجلاس میں اسٹیٹ بینک ترمیمی بل پر غور کیا گیا جس میں وزیرخزانہ شوکت ترین اور گورنر اسٹیٹ بینک رضا باقر نے شرکت کی ۔

وزیرخزانہ شوکت ترین نے بتایا کہ ماضی کی حکومتوں نے اسٹیٹ بینک کا غلط استعمال کیا گیا ہے جبکہ اسٹیٹ بینک کو پیسے چھاپنے کی مشین سمجھا جاتا ہے۔

انہوں نے کہا کہ 7 کھرب روپے اسٹیٹ بینک سے پہلے قرضہ لیا جاچکا ہے جبکہ موجودہ حکومت نے کوئی رقم نہیں لی۔

شوکت ترین نے مزید کہاکہ اب اسٹیٹ بینک کے پاس یکہ طرفہ اختیارت نہیں ہوں گے معاملات پارلیمنٹ بھی دیکھے گی جبکہ وزیرخزانہ اور گورنر اسٹیٹ بینک مشترکہ فیصلے کریں گے۔

اجلاس کے دوران وزیرخزانہ شوکت ترین اور احسن اقبال کے درمیان سخت جملوں کا تبادلہ بھی ہوا۔

دوسری جانب گورنر اسٹیٹ بینک رضا باقر نے دہری شہریت کی تردید کرتے ہوئے آئی ایم ایف کہ کہنے پرفیصلے کرنے کے تاثر کوغلط قراردے دیا۔