ریاض: سعودی عرب میں پبلک پراسیکیوشن کے سرکاری ذرائع نے بتایا ہے کہ 6 ملزمان کو منی لانڈرنگ کے مقدمے میں سزا سنائی ہے۔

العربیہ کی رپوٹ کے مطابق عدالت نے ملزمان کو 31 سال قید کے ساتھ رقوم ضبط کرکے 152 ملین ریال سے زائد کا جرمانہ عائد کیا ہے۔

مذکورہ جرمانے کی رقم منی لانڈرنگ کے ذیعے بھیجی گئی رقم کی مالیت کے برابر ہے۔

ذرائع نے وضاحت میں مزید بتایاکہ تحقیقات سے یہ ثابت ہوا ہے کہ ملزمان فرنیچر سازی، پھولوں کی کمپنیوں سمیت متعلقہ جعلی اداروں کے مالکان سے10 ہزار ریال ماہانہ فیس کے عوض اپنے بینک اکاؤنٹ کو منی لانڈرنگ کیلئے استعمال کرتے تھے۔

مزید براں غیر قانونی رقم کو سعودی عرب سے باہر بھی منتقل کیا جاتا تھا جبکہ رقم کی منتقلی جعلی کمپنیوں کے ذریعے کی جاتی تھی جو آرٹیکل 2 انسداد منی لانڈرنگ کے تحت جرم ہے۔