راولپنڈی کے علاقے مظہرآباد میں گھر میں گیس لیکج کے باعث دھماکا ہوگیا، جس کے نتیجے میں خاتون اور 2بچے جاں بحق ہوگئے۔

راولپنڈی کے علاقے مظہر آباد ریلوے ورک شاپ کے قریب گھر کے کمرے میں گیس پہلے سے ہی لیک ہو رہی تھی سوئچ آن کرنے پر ایک دم دھماکا ہوا جس کے بعد آگ نے پورے گھر کو اپنی لپیٹ میں لے لیا۔

گیس لیکج دھماکے کی وجہ سے نادیہ نامی خاتون اپنے 2 کمسن بچوں ڈیڑھ سالہ حسن رضا اور 3سالہ احمد رضا کے ساتھ جھلس کر جاں بحق ہوگئی، واقعے کے بعد میتوں کو ڈی ایچ کیو راولپنڈی اسپتال منتقل کردیا گیا۔

ذرائع کے مطابق جاں بحق خاتون نادیہ کے شوہر پاکستان ریلوے میں ملازم ہیں اور ان کی پوسٹنگ ملتان میں ہے، متعلقہ تھانہ رتہ امرال کی پولیس بھی موقع پر پہنچ گئی۔