لاہور ہائیکورٹ نے پنجاب حکومت کو مرغی کے نرخ مقرر کرنے کا طریقہ کار پیش کرنے کا حکم دے دیا۔۔

لاہور ہائیکورٹ کے جسٹس ساجد محمود سیٹھی نے مرغی کے گوشت کی قیمتیں مقرر کرنے کیلئےاظہر صدیق ایڈووکیٹ کی درخواست پر سماعت کی۔

درخواست گزار نے عدالت کو بتایا کہ مرغی کے گوشت کے نرخ مقرر کرنے کا کوئی طریقہ کار وضع نہیں کیا گیا، مرغی کے گوشت کی قیمتیں ازخود مقرر کی جاتی ہیں، من مانے ریٹ مقرر کرکے ناجائز منافع کمایا جارہا ہے، حکومت کی جانب سے پوچھ گچھ نہ ہونے کی وجہ سے مرغی کی قیمتیں عام آدمی کی پہنچ سے باہر ہوچکی ہیں۔

عدالت نے قیمتیں مقرر کرنے کا طریقہ کار پیش کرنے کا حکم دیتے ہوئے سماعت 29 نومبر تک ملتوی کردی۔