اسلام آباد:قومی احتساب بیورو(نیب )نے سابق صدر آصف زرداری کی توشہ خانہ ریفرنس سے بریت کی درخواست کی مخالفت کر دی، احتساب عدالت نے آصف زرداری اور یوسف رضا گیلانی کی حاضری سے استثنیٰ کی درخواستیں منظور کرتے ہوئے سماعت بغیر کارروائی 18 نومبر تک ملتوی کر دی۔

اسلام آباد کی احتساب عدالت کے جج سید اصغر علی نے سابق صدر آصف علی زرداری اور سابق وزیراعظم یوسف رضا گیلانی سمیت دیگر ملزمان کیخلاف توشہ خانہ ریفرنس کی سماعت کی۔

آصف زرداری کے وکیل فاروق ایچ نائیک، نیب پراسیکیوٹر عرفان بولا اور وسیم جاوید عدالت میں پیش ہوئے۔

آصف زرداری اور یوسف رضا گیلانی عدالت حاضر نہ ہوئے اور استثنیٰ کی درخواستیں جمع کرائیں جنہیں عدالت نے منظور کر لیا۔

آصف زرداری کے وکیل فاروق ایچ نائیک کی جانب سے التوا ءکی درخواست بھی منظور کر لی گئی، کیس کی مزید سماعت 18نومبر کو ہو گی۔

یاد رہے کہ مسلم لیگ ن کے قائد اور سابق وزیراعظم نواز شریف اسی کیس میں اشتہاری ہیں۔