پاکستان ریلوے نے مسافر اور فریٹ ٹرینوں کے کرایوں میں اضافہ کر دیا۔وزارت ریلوے نے اضافے کی باقاعدہ منظوری دے دی۔

پاکستان ریلوے نے پٹرولیم مصنوعات کی قیمتوں کو جواز بنا کر ٹرینوں کے کرایے بڑھانے کا فیصلہ کیا ہے۔

ترجمان ریلوے کے مطابق مسافرٹرینوں کے کرائے میں یکم نومبر سے 10 فیصد جبکہ پانچ نومبر سے فریٹ ٹرینوں کے کرایے میں پانچ فیصد اضافہ کیا گیا ہے۔

ترجمان کےمطابق پاکستان ریلوے نے پٹرولیم مصنوعات کی بڑھتی ہوئی قیمتوں کے پیش نظر ٹرینوں کےکرائے بڑھانے کےحوالےسے کمیٹی تشکیل دی تھی جس نے 15 فیصد کرائے بڑھانے کی تجویز دی تھی۔

تاہم وزارت ریلوے نے مسافروں پر مشکلات کے پیش نظر فریٹ ٹرینوں کا 5 فیصد جبکہ پسنجر ٹرینوں کا 10 فیصد کرایا بڑھانے کا فیصلہ کرتے ہوئے منظوری دے دی ہے۔