پاکستان مسلم لیگ ن نے وفاقی حکومت کی معاشی پالیسیوں اور مہنگائی میں اضافے کے خلاف 22 اکتوبر کو سندھ میں بھی احتجاج کا اعلان کردیا۔

مسلم لیگ ہاؤس میں نیوز کانفرنس کرتے ہوئے مفتاح اسماعیل کا کہنا تھا کہ حکومت ایکسپورٹ بڑھانے میں ناکام رہی، امپورٹ کم کی جارہی ہے، 3 ماہ میں خوراک میں مزید 12 فیصد مہنگائی بڑھی ہے۔

مہنگائی کے خلاف احتجاج کا اعلان کرتے ہوئے ان کا کہنا تھا کہ بجلی مہنگی ہوگئی ہے۔گیس کا بحران آنے والا ہے، گیس 141 فیصد مہنگی ہے.60 فیصد قرضہ بڑھا ہے.

مفتاح اسماعیل کا کہناتھاکہ عمران خان نے جس چیز میں ہاتھ ڈالا اس کا برا حال ہوگیا ہے۔22اکتوبر کواحتجاج کریں گےاور پی ڈی ایم کے تحت ملک بھر میں احتجاجی مظاہروں کا جلد شیڈول جاری کردیا جائے گا۔