سکھرمیں کوٹ لالو کے قریب ریلوے ٹریک پر دھماکے کے نتیجے میں ٹریک ٹوٹ گیا جبکہ کوئی جانی نقصان نہیں ہوا۔

ایس پی ریلوے کے مطابق سکھر میں کوٹ لالو کے قریب ریلوے ٹریک پر دھماکا ہوا ہے، دھماکے کے باعث ٹریک ٹوٹ گیا جبکہ دھماکے سے کوئی جانی نقصان نہیں ہوا ، دھماکے سے کچھ دیر قبل مسافر ٹرین گزری تھی۔

ایس پی ریلوے کا اس حوالے سے کہنا ہے کہ دھماکے کے بعد اپ ٹریک بلاک ہوگیا اور ٹرینوں کی آمدورفت معطل ہوگئی جبکہ اپ ٹریک پر کراچی سے پنجاب جانے والی ٹرینوں کو مختلف اسٹیشنز پر روک دیا گیا۔

ایس پی ریلوے کے مطابق واقعے کے بعد امدادی ٹیمیں جائے حادثہ پہنچ گئیں جہاں ٹریک کی بحالی کاکام جاری ہے۔