پانچ ماہ کے تعطل کے بعد دبئی میں دوبارہ شروع ہونے والے آئی پی ایل میں پھر کورونا پھوٹ پڑا.

منتظمین کے مطابق بدھ کو ہونےوالے میچ سے پہلے سن رائزرز حیدرآباد کے تھنگاراسو نترنجن کووڈ پازیٹو ہوگئے.

نترنجن کے ساتھ چھ مزید افراد جن سے وہ ملے، جس میں آل راؤنڈر وجے شنکر ہیں، کو آئسولیٹ کردیا گیا ہے.

تاہم سن رائزرز حیدرآباد اور دہلی کیپیٹلز کا میچ شیڈول کے مطابق دبئی انٹرنیشنل اسٹیڈیم میں ہوا.

نترنجن کےساتھ ٹیم مینیجر وجےکمار،فزیوتھیراسٹ جے شام سندر، ڈاکٹر انجنا ونن، لاجسٹک مینیجر توشار کھیڈکار اور نیٹ باؤلر پیریا سیمی گنیشن آئیسولیشن میں رہیں گے.

واضح رہے کووڈ کی وجہ سے بھارت میں اموات کی تعداد خوفناک حد تک بڑھ جانے کی وجہ سے پانچ قبل آئی پی ایل معطل کرنا پڑا تھا. تاہم گزشتہ اتوار کو یہ سیزن مکمل کرنے کےلئے آئی پی ایل عرب امارات میں دوبارہ شروع کیا گیا.