انگلینڈ کرکٹ بورڈ نے آئندہ ماہ مردوں اور خواتین ٹیموں کو دورہ پاکستان کےلئے پاکستان نہ بھیجنے کا فیصلہ کرلیا.

انگلش کرکٹ بورڈ کی جانب سے جاری ہونے والے بیان میں کہا گیا ہے کہ اس سال کے شروع میں ہم نے اکتوبر میں ٹی ٹوئنٹی ورلڈ کپ سے قبل پاکستان میں مرودوں کی ٹیم کے دو وارم اپ میچز اور خواتین کی ٹیم کا ایک مختصر دورہ طے کیا تھا.

بیان میں مزید کہا گیا کہ ہم اس بات کی تصدیق کرسکتے ہیں کہ بورڈ نے نا چاہتے ہوئے اکتوبر میں ہونے والے دورے کی تنسیخ کا فیصلہ کیا ہے.

بیان میں یہ بھی کہاگیاکہ ہم سمجھتے ہیں اس فیصلے سےپی سی بی کو بڑی مایوسی ہوگی. گزشتہ دو دوروں میں انگلش اورویلش کرکٹ کو سپورٹ کرنا دوستی کا عظیم مظاہرہ ہے.ہم اس فیصلے سے پاکستان میں ہونےو الی کرکٹ پر ہونے والے اثر کےلئے معذرت خواہ ہیں.

واضح رہے اس سے قبل سیکیورٹی کو وجہ بنا کر گزشتہ جمعے کو پہلا ون ڈے شروع ہونے سے قبل نیوزی لینڈ یکطرفہ سیریز کو منسوخ کرچکی ہے.