وزیرخارجہ شاہ محمود قریشی اور روسی وزیر خارجہ سرگئی لاوروف کے درمیان ملاقات ہوئی۔

وزیر خارجہ اور ان کے روسی ہم منصب کے درمیان دوشنبے میں ملاقات شنگھائی تعاون تنظیم کے سربراہ اجلاس کے موقع پر ہوئی.

ملاقات میں مختلف شعبوں میں دوطرفہ تعلقات کے فروغ اور علاقائی صورتحال پر تبادلہ خیال کیاگیا۔

وزیرخارجہ نے کہا پاکستان روس کے ساتھ تجارت،سرمایہ کاری،توانائی،دفاع اور عوامی سطح کے رابطوں سمیت تمام شعبوں میں تعلقات کو مستحکم کرناچاہتا ہے۔

انہوں نے کہا پاکستان روس کے ساتھ باہمی تجارت اورتوانائی میں تعاون کومزید فروغ دینا چاہتا ہے۔

دونوں وزرائے خارجہ نے اہم علاقائی اور عالمی امور پرمشاورت جاری رکھنے پراتفاق کیا۔

ریڈیو پاکستان