اسلام آباد:ترجمان دفترخارجہ نے پاکستان کے پنجشیر ویلی میں ملوث ہونے کا پروپیگنڈا مسترد کرتے ہوئے کہا ہے کہ پاکستان ایسے تمام الزامات اور پروپیگنڈے کو مسترد کرتا ہے۔

ترجمان دفتر خارجہ نے کہا کہ بھارتی میڈیا کی جعلی خبریں،بد نیتی پر مبنی ہیں، ایسی خبریں پاکستان کو بدنام کرنے اور عالمی برادری کو گمراہ کرنے کی کوشش کا حصہ ہے۔

وادی پنجشیر میں پاکستان کی “شمولیت” کے بارے میں ترجمان دفترخارجہ نے ان الزامات کو گمراہ کن قرار دیا ، بھارتی میڈیا کی جعلی خبریں بے نقاب ہوچکی ہیں ۔

ترجمان دفترخارجہ نےمزید کہا کہ یہ بدنیتی پر مبنی الزامات پاکستان کو بدنام کرنے اور عالمی برادری کو گمراہ کرنے کی مایوس کن کوشش کا حصہ ہیں ۔

ترجمان دفترخارجہ نے پاکستان کے پرامن ، مستحکم خودمختار اور خوشحال افغانستان کے عزم کا اعادہ کیا۔