ٹیکسٹائل سیکٹر کے برآمد کنندگان نے کاٹن یارن ڈیوٹی فری درآمد کرنے کی اجازت کا مطالبہ کردیا ہے۔

پاکستان ہوزری مینوفیکچررز اینڈ ایکسپورٹرز ایسوسی ایشن کی جانب سے وفاقی مشیر تجارت رزاق داؤد کو بھیجے گئے خط میں ٹیکسٹائل سیکٹر کے برآمد کنندگان نے مقامی مارکیٹ میں کاٹن یارن کی 40 تا 70 فیصد بڑھتی ہوئی قیمت سے نجات کے لیے بذریعہ سڑک اور ریلوے سروس کے ذریعے بھارت، ازبکستان اور ترکی سے مطلوبہ کاؤنٹس کے کاٹن یارن ڈیوٹی فری درآمد کرنے کی اجازت کا مطالبہ کردیا ہے۔

پی ایچ ایم اے کے چیف کوآرڈینیٹر جاوید بلوانی نے کہا ہے کہ کاٹن یارن کی بڑھتی ہوئی قیمتوں کی وجہ سے ویلیو ایڈیڈ ٹیکسٹائل ایکسپورٹ سیکٹر کو شدید مشکلات درپیش ہیں۔