لاہور میں آزاد کشمیر کی قانون ساز اسمبلی کیلئے پولنگ کا عمل جاری ہے،سیکیورٹی کے بھی سخت انتظامات کئے گئے ہیں، 8اسپیشل اسکواڈز سمیت مجموعی طور پر 850سے زائد اہلکار تعینات ہیں۔

سی سی پی او لاہور کی ہدایت پر کشمیر قانون ساز اسمبلی کے جنرل الیکشنز کلئےئ شہر میں سیکیورٹی کے فل پروف انتظامات کئے گئے ہیں، ڈویژنل افسران کی نگرانی میں 6 ڈی ایس پیز اور25 ایس ایچ اوز سیکیورٹی کی نگرانی کر رہےہیں جبکہ 12 ایلیٹ، 14 پیرو اور 14 ڈولفن کی موٹر بائیکس گشت پر معمور ہیں۔

سی سی پی او لاہور کا کہنا ہے کہ جیت کی خوشی میں ہوائی فائرنگ اور ہلڑبازی کی ہرگز اجازت نہیں دیں گے۔

حساسیات کے حوالے سے پولنگ بوتھ کو اے، بی اور سی کیٹیگری میں تقسیم کیا گیا ہے، اے کیٹگری کے پولنگ اسٹیشنز میں 40 ،بی میں 25 جبکہ سی کیٹگری میں 15 اہلکار تعینات ہیں، پولنگ میٹریل کی شفٹنگ کلئے بھی سخت سیکیورٹی انتظامات کئے گئے ہیں۔