لاہور پولیس نے بغیر اجازت قربانی کے جانوروں کی کھالیں اکھٹی کرنے پر 44 مقدمات درج کرکے 46 افراد کو حراست میں لے لیا ۔

سی سی پی او لاہور غلام محمود ڈوگر کی ہدایت پر بغیر اجازت کھالیں اکھٹی کرنے پر کارروائی کی گئی،عید الضحی پر قربانی کے جانور کی کھالیں بغیر اجازت اکھٹی کرنے پر 44 مقدمات درج کئے گئے جبکہ 46 افراد کو حراست میں بھی لیا گیا۔

صدر ڈویژن میں 10، اقبال ٹاؤن ڈویژن میں 09، ماڈل ٹاؤن ڈویژن میں 07 ، کینٹ ڈویژن میں 11، سول لائنز ڈویژن 05 اور سٹی ڈویژن میں 02 مقدمات درج کئے گئے ہیں۔

مین شاہراہوں پر سری پائے بھوننے والوں کخلا ف کارروائی میں 22 مقدمات درج اور 38 افراد کو حراست میں لیا گیا۔

پولیس کے مطابق بغیر اجازت کسی بھی تنظیم یا گروپ کو کھالیں اکھٹی کرنے کی اجازت نہیں ہے۔