کراچی :محکمہ موسمیات نے مون سون کے دوسرے اسپیل کی نوید سنا دی، سندھ میں کل سےمون سون کے دوسرےاسپیل کا آغاز ہوگا، اندرون سندھ میں 23 جولائی جبکہ کراچی میں 25 جولائی سے تیز بارش کا امکان ہے ۔

محکمہ موسمیات کے مطابق خلیج بنگال پر ہوا کا کم دباؤ بن چکا ہے، ہوا کا کم دباؤ بھارتی راجھستان سے ہوتا ہوا کل صبح سندھ میں داخل ہوگا، جس کے تحت صبح سے بالائی سندھ میں بارشوں کا آغاز ہوجائے گا۔

محکمہ موسمیات کا کہنا ہے 24 کی شب ہوا کا دباؤ حیدرآباد اورکراچی پہنچے گا، جس کے باعث 25 سے 26 جولائی تک شہر میں گرج چمک کے ساتھ موسلادھار بارش کا امکان ہے۔