کراچی :پشاور سے کراچی آنے والی خیبر میل حادثے سے بال بال بچ گئی،خیبر میل کی ایک بوگی پٹڑی سے اترگئی تاہم حادثے میں کوئی جانی نقصان نہیں ہوا۔

سرسید اور ملت ایکسپریس حادثے کے تیسرے دن خیبر میل کی بوگی پٹڑی سے اترنے کا واقعہ پیش آیا ہے،کراچی آنے والی خیبر میل خوفناک حادثے سے بچ گئی، پشاور سے آنے والی خیبر میل کی بوگی گدو اسٹیشن کے قریب پٹری سےاتر گئی، رفتار کم ہونے کی وجہ سے کسی مسافر کو نقصان نہیں پہنچا۔

خیبر میل کی بوگی پٹری سے اترنے کے بعد اپ ٹریک پر ٹرینوں کی آمدورفت معطل ہوئی اور مسافر سخت گرمی میں پریشان رہے۔