اسلام آباد:مسلم لیگ (ن)کی ترجمان مریم اورنگزیب نے کہا ہے کہ صحافی اسد طورپرحملہ قابل مذمت ہے،حکومت صحافیوں کے تحفظ پرلیکچردینے کی بجائے میڈیا کا تحفظ یقینی بنائے ،آئے روزصحافیوں پرحملے ہورہے ہیں۔

ترجمان مسلم لیگ ن مریم اورنگزیب نے سماجی رابطے کی ویب سائٹ ٹوئٹر پر اپنے ٹویٹ پیغام میں کہا ہے کہ صحافی اسد طورپرحملہ قابل مذمت ہےاورپمزمیں اسد طورکومیڈیکل ٹریٹمنٹ نہ ملنےکی اطلاعات مزید افسوسناک ہیں،اسد طورکوفوری طبی امدادفراہم کی جائے۔

صحافی اسد طور پر حملہ قابل مذمت اور پمز میں انہیں میڈیکل ٹریٹمنٹ نہ ملنے کی اطلاعات مزید افسوسناک ہیں۔ انہیں فوری طبی امداد فراہم کی جائے۔ حکومت صحافیوں کے تحفظ پر لیکچر دینے کے بجائے میڈیا کا تحفظ یقینی بنائے۔

— Marriyum Aurangzeb (@Marriyum_A) May 25, 2021

مریم اورنگزیب نے مزید کہا کہ حکومت صحافیوں کے تحفظ پر لیکچر دینے کے بجائے میڈیا کا تحفظ یقینی بنائے،آئے روز اسلام آباد میں صحافیوں پر حملے ہورہے ہیں،حکومت ملزمان کے تعین اور انہیں قانون کے کٹہرے میں کھڑا کرنے میں ناکام ہےخداوندکریم اسد طور کو صحت کاملہ عطا کرے،آمین۔

آئے روز اسلام آباد میں صحافیوں پر حملے ہورہے ہیں اور حکومت ملزمان کے تعین اور انہیں قانون کے کٹہرے میں کھڑا کرنے میں ناکام ہے۔ اللہ تعالی اسد طور کو صحت کاملہ عطا فرمائے آمین

— Marriyum Aurangzeb (@Marriyum_A) May 25, 2021

آرآئی یوجے نے بھی سینئرصحافی اسد طورپرقاتلانہ حملے کی بھرپورمذمت کرتے کہا ہے کہ حکومت صحافیوں کوتحفظ دینے میں مکمل طورپرناکام ہوگئی ہے،حکومت حملہ آوروں کوفوری طورپرگرفتارکرے ورنہ بھرپوراحتجاج کیا جائے گا۔