وزیراعلیٰ عثمان بزدار نے ڈیرہ غازی خان میں سوڑا کے مقام پر ڈیم کے منصوبے کی منظوری دے دی۔

وزیراعلیٰ پنجاب سردار عثمان بزدارکی زیر صدارت وڈیو لنک اجلاس میں ڈیرہ غازی خان اور راجن پور کے ہل ٹورنٹس کے پانی کو محفوظ کرنے کےلئے سوڑا کے مقام پر ڈیم بنانے کی منظوری دی گئی۔

وزیراعلیٰ نے ہدایت کی کہ منصوبے کو آئندہ مالی سال کے سالانہ ترقیاتی پروگرام میں شامل کیا جائے۔پنجاب حکومت سوڑا میں ڈیم کو پائلٹ پراجیکٹ کے طور پر شروع کرے گی۔

وزیراعلیٰ نے کہا کہ ہر سال موسم برسات میں بارشوں کا پانی ندی نالوں میں جا کر ضائع ہوتا ہے۔اس پانی کو محفوظ کر کے استعمال میں لانا بہت ضروری ہے۔ ڈیم کی تعمیر سے علاقے میں سیاحت کو بھی فروغ ملے گا۔

وزیراعلیٰ کو ڈیم بنانے کے حوالے سے فیزیبلٹی اسٹڈی پر ہونے والی پیشرفت سے آگاہ کیا گیا۔