گھوٹکی کی مقامی عدالت نے ضمنی الیکشن میں کارسرکار میں مداخلت سے متعلق کیس میں اپوزیشن لیڈر سندھ اسمبلی حلیم عادل شیخ پر فرد جرم عائد کردی،حلیم عادل شیخ نے صحت جرم سے انکار کردیا۔

2019میں گھوٹکی میں ہونے والے ضمنی الیکشن میں اپوزیشن لیڈر سندھ اسمبلی حلیم عادل شیخ پر کارِ سرکار میں مداخلت پر قائم مقدمے کی سماعت پر حلیم عادل شیخ میرپوماتھیلو کی عدالت میں پیشی پر پہنچے ۔

عدالت کی جانب سے ملزم پر فردِ جرم عائد عائد کرنے پر ملزم حلیم عادل شیخ نے صحتِ جرم سے انکار کرتے ہوئےمقدمےکوسیاسی قراردے دیا۔

مقدمے کا مدعی پولیس افسرشیرخان بزدارپیش نہ ہونے پرعدالت نے سماعت26مئی تک ملتوی کردی۔

پی ٹی آئی رہنماءحلیم عادل شیخ کا کہنا تھا کہ کرمنل گورنس کا راج قائم ہے صحافی کو سچ لکھنےپر قتل کردیا جاتا ہےجبکہ کتوں پر فیصلہ دینےوالےجج کو اڑانے کی دھمکیاں دی جاتی ہیں اور جو بھی سندھ حکومت کی کرپشن بے نقاب کرتا ہے اس پر مقدمات بنادیئےجاتےہیں۔