لاہور:مسلم لیگ (ن)کی نائب صدر مریم نواز کا کہنا ہے کہ عوام نے ایک بار پھر ووٹ کو عزت دو کی جنگ جیت لی،نواز شریف کا بیانیہ جیت گیا، جب بھی منصفانہ الیکشن ہوں گے جیت شیر کی ہی ہوگی۔

ڈسکہ میں (ن) لیگی امیدوار کی فتح کے بعد کئی ٹویٹس میں مریم نواز نے ڈسکہ کے عوام کو مبارک باد اور شاباشی دی اور کہا کہ ڈسکہ کے غیور اور بہادر عوام نے آج ایک بار پھر ’’ووٹ کو عزت دو‘‘ کی جنگ جیت لی اور ساری دنیا پر واضح کر دیا کہ کس طرح 19 فروری کو کٹھ پتلی وزیراعظم کی نگرانی میں ووٹ کی عزت پر ڈاکہ ڈالنے کی کوشش کی گئی۔

شاباش ڈسکہ! شاباش ڈسکہ کے غیور اور بہادر عوام! شاباش نوشین! تم نے آج ایک بار پھر "ووٹ کو عزت دو" کی جنگ جیتی۔ ساری دنیا پر واضح کر دیا کہ کس طرح 19 فروری کو کٹھ پتلی وزیراعظم کی نگرانی میں ووٹ کی عزت پر ڈاکہ ڈالنے کی کوشش کی گئی۔ pic.twitter.com/nKu7gUDhzS

— Maryam Nawaz Sharif (@MaryamNSharif) April 10, 2021

مریم نواز نےحکومت کو مخاطب کرتے ہوئے کہا کہ ‏سن لو! عوام کیا کہہ رہے ہیں؟ غربت مہنگائی اور بے روزگاری کے ستائے ہوئے عوام سے تمہیں کوئی نہیں بچاسکتا، ڈرو اپنے انجام سے۔

سن لو عوام کیا کہہ رہے ہیں۔ غربت مہنگائی اور بے روزگاری کے ستائے ہوئے عوام سے تمہیں کوئی نہیں بچا سکتا۔ ڈرو اپنے انجام سے!

— Maryam Nawaz Sharif (@MaryamNSharif) April 10, 2021

ایک اور ٹویت میں مریم نواز نے کہا کہ ‏نواز شریف کا بیانیہ جیت گیا، جب بھی منصفانہ الیکشن ہوں گے جیت شیرکی ہی ہوگی، نواز شریف کی سیاست ختم کرنے والے یاد رکھیں نواز شریف ایک نظریےکا نام ہے جو عوام کے دلوں میں گھر کر چکا ہے، اس جعلی حکومت کے دن گنے جاچکے، وہ دن دور نہیں جب اس ملک میں عوام کی حکمرانی ہوگی، جعل سازوں کی نہیں۔

نواز شریف کا بیانیہ جیت گیا۔ جب بھی منصفانہ الیکشن ہونگےجیت شیرکی ہی ہوگی۔نواز شریف کی سیاست ختم کرنے والے یاد رکھیں نواز شریف ایک نظریےکا نام ہے جو عوام کے دلوں میں گھر کر چکا ہے۔ اس جعلی حکومت کے دن گنے جاچکے، وہ دن دور نہیں جب اس ملک میں عوام کی حکمرانی ہوگی، جعلسازوں کی نہیں۔

— Maryam Nawaz Sharif (@MaryamNSharif) April 10, 2021

نائب صدر مسلم لیگ ن کا مزید کہنا تھا کہ ‏جہاں جہاں ووٹ پڑے گا الحمدللہ وہاں نوازشریف جیتے گا، شیر دھاڑے گا، عوام نے فیصلہ کرلیا ہے کہ اب ووٹ چوروں کا ڈٹ کر مقابلہ کریں گے سرکاری وسائل کے بے دریغ استعمال اور منفی ہتھکنڈوں کے باوجود جیت ووٹ اور عوام کی ہوئی، تمام صوبوں کے ضمنی انتخابات میں حکومت کی پے درپے شکست حکومت پر عوامی عدم اعتماد ہے، عوام سے مسترد شدہ حکومت کے قائم رہنے کا کوئی جواز نہیں بچا۔

جہاں جہاں ووٹ پڑے گا الحمدللہ وہاں نوازشریف جیتے گا، شیر دھاڑے گا انشاءاللہ اب مستقبل آپکا ہے,عوام نے فیصلہ کرلیا ہے کہ اب ووٹ چوروں کا ڈٹ کر مقابلہ کریں گے۔سرکاری وسائل کے بے دریغ استعمال اور منفی ہتھکنڈوں کے باوجود جیت ووٹ کی ہوئی,جیت عوام کی ہوئی۔

— Maryam Nawaz Sharif (@MaryamNSharif) April 10, 2021

مریم نواز نے کہا کہ آج کی جیت ان معصوم شہدا کے نام کرتے ہیں جن کا خون 19 فروری کو ووٹ پر ڈاکہ ڈالنے کیلئے ڈسکہ میں بہایا گیا، معصوموں کا خون بہا کر، 22 پولنگ اسٹیشنز کے عملے کو اغوا کرکے بھی حکومت کے ہاتھ رسوائی کے سوا کچھ نہیں آیا،وفاقی اور صوبائی حکومت کو 19 فروری سے بھی بری شکست ہوئی۔

آج کی جیت ان معصوم شہدا کے نام کرتے ہیں جن کا خون 19 فروری کو ووٹ پر ڈاکہ ڈالنے کے لیئے ڈسکہ میں بہایا گیا ۔
معصوموں کا خون بہا کر ، بائیس پولنگ اشٹیشنز کے عملے کو اغوا کرکے بھی حکومت کے ہاتھ رسوائی کے سوا کچھ نہیں آیا۔ وفاقی اور صوبائی حکومت کو 19 فروری سے بھی بری شکست ہوئی۔

— Maryam Nawaz Sharif (@MaryamNSharif) April 10, 2021