پی ٹی آئی غیرملکی پارٹی فنڈنگ کی تحقیقات کیلئے سکروٹنی کمیٹی نے اکبرایس بابرکوکمیٹی اجلاس کے دوران دستاویزات کا جائزہ لینے کی اجازت دے دی ۔ اکبر ایس بابر نے خدشہ ظاہرکردیا کہ حکومت الیکشن ریفارم کی آڑمیں سیاسی جماعتوں کی فنڈنگ کوخفیہ رکھنا چاہتی ہے ۔

الیکشن کمیشن کی اسکروٹنی کمیٹی کے اجلاس میں اکبر ایس بابر اپنے وکیل کے ہمراہ پیش ہوئے جبکہ تحریک انصاف کی جانب وکیل شاہ خاورکمیٹی کے سامنے ہیش ہوئے۔ ذرائع کے مطابق اکبر ایس بابر کو سکروٹنی کمیٹی اجلاس میں ہی دستاویزات کا جائزہ لینے کی اجازت دی گئی ۔

اکبرایس بابر نے الزام عائد کیا کہ تحریک انصاف کیجانب سے اسکروٹنی کمیٹی کوپیش کردہ دستاویزات جعلی ہیں کیونکہ ان پر نہ مہر ہے اور نہ ہی دستخط۔ ۔

انہوں نے خدشہ ظاہر کیا کہ حکومت الیکشن ریفارم کی آڑ میں سیاسی جماعتوں کی فنڈنگ کو خفیہ رکھنا چاہتی ہے۔ سکروٹنی کمیٹی نے فریقین کو 19 اپریل کو دوبارہ طلب کر لیا۔