سیکیورٹی فورسز نے شمالی وزیرستان میں دہشتگردوں کےخلاف آپریشن کیا۔فائرنگ کے تبادلے میں ٹی ٹی پی کا سرگرم رکن دہشتگرد زاہد الدین مارا گیا۔

آئی ایس پی آر کے مطابق سیکیورٹی فورسز نے شمالی وزیرستان میں دہشتگردوں کی موجودگی کی اطلاع پرآپریشن کیا۔

آپریشن کے دوران فائرنگ کے تبادلے میں دہشتگرد زاہد الدین مارا گیا۔

شمالی وزیرستان کے علاقے دیواگر کا رہایشی زاہد الدین ٹی ٹی پی کا سرگرم رکن تھا۔

پاک فوج کے شعبہ تعلقات عامہ کے مطابق زاہد الدین ٹارگٹ کلنگ، سیکیورٹی فورسز پرحملوں اوربھتہ خوری میں بھی ملوث تھا۔