کابینہ کی اقتصادی رابطہ کمیٹی نے سال 21-2020 کےلئے گندم کی نظرثانی شدہ کم ازکم امدادی قیمت 1800 روپے فی من مقرر کرنے کی منظوری دے دی۔

وفاقی وزیرخزانہ حماد اظہر کی زیر صدارت کابینہ کمیٹی کے اجلاس میں گندم کی خریداری کے اہداف سمیت صارفین کی ضروریات پوری کرنےاور تذویراتی ذخائر کےلئے 30 لاکھ میٹرک ٹن گندم درآمد کرنے کی بھی منظوری دی گئی۔

کمیٹی نے رواں سال جون تک زمینی اور سمندری راستوں کے ذریعے بھارت سے پانچ لاکھ میٹرک ٹن تک سفید چینی درآمد کرنے کی منظوری دی۔

ای سی سی نے پاکستان منرل ڈویلپمنٹ کارپوریشن کے ساتھ جغرافیائی علامت کے طور پر پاکستان کے گلابی چٹان نمک کی رجسٹریشن کی بھی منظوری دی۔

ریڈیو پاکستان